11 қыркүйек ИИР-дың Алматы қаласындағы Бас консулдығы жанындағы Иран мәдени орталығында парсы тілі курсының және көрме залының ашылу салтанаты болып өтті.

Парсы тілі курсының ашылуына орай ұйымдастырылған іс-шараға Алматыдағы ИИР Бас консулы, Иран Мәдени орталығы директоры, парсы тілі ұстаздары, студенттер мен курсқа қатысушылар келді.

Жиында Алматыдағы ИИР Бас консулы Мохсен Фағани мырза, Алматыдағы Иран Мәдени орталығы директоры Хоссейн Ағазаде мырза және курс жетекшісі Шәкиба Фахимеһ ханым, сонымен қатар ирантанушы ұстаздар сөз сөйледі. Биыл парсы тілі бакалаврына университетке қабылданған студенттерге құрмет көрсетіліп, сыйлықтар берілді. Келген қонақтар ықыластарын білдіріп, жақсы көңіл-күйде тарқасты.