21 қараша 2025 жылы С.Д. Асфендияров атындағы ҚазҰМУ мен Ирандық делегация өкілдері арасында университеттің Бас корпусында ресми кездесу өтті. Бұл кездесудің негізгі мақсаты – екіжақты ынтымақтастық орнату, халықаралық деңгейде бірлескен бастамаларды дамыту және ирандық студенттерді ҚазҰМУ-ға тарту мүмкіндіктерін талқылау болды.

2025 жылдың 21 қараша күні ALT университетінде Иран делегациясының ресми кездесуі өтті. Бұл кездесу екі жақтың халықаралық әріптестікті нығайтуға деген ортақ мүддесін айқындаған маңызды диалог алаңы болды.

XIII Қазақстандық халықаралық «Ұлы Жібек жолымен» кітап және полиграфия көрмесі аясында Иран Мәдени орталығы «Абай Құнанбайұлы еңбектерінің парсы тіліндегі аудармалары» атты таныстырылым өткізді.

19–21 қараша 2025 жыл аралығында Алматы қаласындағы «Атакент» көрме орталығында өткен XIII Қазақстандық халықаралық Кітап және полиграфия көрмесі мәдениет пен білім саласындағы маңызды ынтымақтастық алаңы болды. Осындай ауқымды шарада Иран Ислам Республикасының Бас консулдығы жанындағы Мәдени орталығы да қатысып, белсенді түрде жұмыс атқаруда.

18 қараша 2025 жылы ҚР Ұлттық кітапханасында Абай Құнанбайұлының «Қара сөздерінің» бейімделген нұсқасы – «Ұлтқа ұлағат» кітабының ресми тұсаукесері өтті. Іс-шараға шетелдік дипломатиялық өкілдер, мәдениет ұйымдарының жетекшілері, ғалымдар, шығармашылық зиялы қауым және БАҚ өкілдері қатысты.

ҚР Ұлттық кітапханасында «Рудаки мен Фирдоуси – парсы әдебиетінің сөнбес жұлдыздары» атты әдеби-музыкалық кеш өтті. Шара Иран кітап бұрышының жұмысы аясында ұйымдастырылып, парсы әдебиетінің ұлы тұлғалары – Әбу Абдулла Джафар ибн Мұхаммед Рудаки мен Хаким Әбілқасым Фирдоусидің өмірі мен шығармашылығына арналды. Бұл кеш қос ел арасындағы мәдени және рухани байланыстарды тереңдетуді мақсат етті.

2025 жылдың 31 қазан күні сағат 15:00-де әл-Фараби атындағы Қазақ ұлттық университетінің Фараби кітапханасында «Абай Құнанбайұлының шығармашылық мұрасы және ілімі» атты алтыншы халықаралық ғылыми конференция өтті. Іс-шара офлайн және онлайн форматта ұйымдастырылып, оған еліміздің және шетелдің белгілі ғалымдары мен зерттеушілері қатысты.

2025 жылғы 15 қазан күні Фараби атындағы Қазақ ұлттық университетінде (ҚазҰУ) университет ректоры Жансейіт Түймебаев пен Алматы қаласындағы Иран Ислам Республикасының Бас консулы Суна Ахмади, сондай-ақ Иран Мәдени орталығының басшысы Хұсейн Ағазаде арасында ресми кездесу өтті.

2025 жылдың 14 қазан күні Философия, саясаттану және дінтану институтында маңызды кездесу өтті. Институттың Бас директоры, философия ғылымдарының докторы Сәдуақасова Айгүл Кәкімбекқызы Алматыдағы Иран Мәдени орталығының басшысы Хұсейн Ағазадемен кездесті.