• Nov 21 2025 - 17:07
  • 3
  • Оқу ұзақтығы : 1 minute(s)

С.Д. Асфендияров атындағы ҚазҰМУ мен Ирандық делегация өкілдері арасындағы кездесу

21 қараша 2025 жылы С.Д. Асфендияров атындағы ҚазҰМУ мен Ирандық делегация өкілдері арасында университеттің Бас корпусында ресми кездесу өтті. Бұл кездесудің негізгі мақсаты – екіжақты ынтымақтастық орнату, халықаралық деңгейде бірлескен бастамаларды дамыту және ирандық студенттерді ҚазҰМУ-ға тарту мүмкіндіктерін талқылау болды.

21 қараша 2025 жылы С.Д. Асфендияров атындағы ҚазҰМУ мен Ирандық делегация өкілдері арасында университеттің Бас корпусында ресми кездесу өтті. Бұл кездесудің негізгі мақсаты – екіжақты ынтымақтастық орнату, халықаралық деңгейде бірлескен бастамаларды дамыту және ирандық студенттерді ҚазҰМУ-ға тарту мүмкіндіктерін талқылау болды.

Кездесу барысында ҚазҰМУ тарапынан Халықаралық факультетінің деканы Нұржамал Женісовна Джардамалиева сөз алып, университеттің тарихына, оның медициналық білім беру саласындағы орны мен даму жолына тоқталды. Ол ҚазҰМУ-дың Қазақстандағы жетекші медициналық оқу орындарының бірі екенін, білім беру, ғылым және клиникалық практика бағыттарындағы жетістіктерін атап өтті. Бұдан бөлек, Халықаралық факультеттің құрылу тарихы, оның мақсаттары және қазіргі жұмысы таныстырылды. Факультетте бүгінде 2500-ге жуық студент білім алып жатқанын, олардың арасында 1 ирандық студент бар екенін айтты.

Иран тарапынан профессор Асгар Мохаджери, Иранның Бас консулдығы жанындағы Мәдени орталықтың директоры Агазаде Хоссейн, Арман Санжеш компаниясы басшысы Сара Соһраби қатысты. Профессор Асгар Мохаджери Ирандағы абитуриенттерді шетелдік жоғары оқу орындарына жіберумен айналысатын ұйымның негізін қалаушы және бас хатшысы ретінде өздерінің тәжірибесімен бөлісіп, Қазақстанмен әріптестік орнатуға үлкен қызығушылық танытты. Иран тарапынан ҚазҰМУ-мен байланыс орнату, студент алмасу бағдарламаларын іске қосу, сондай-ақ медицина саласындағы академиялық мүмкіндіктерді кеңейту мәселелері талқыланды.

Кездесу соңында тараптар өзара түсіністік танытып, халықаралық серіктестік құруға дайын екендерін білдірді. Студенттерді тарту, оқыту бағдарламаларын үйлестіру, тәжірибе алмасу және Иран азаматтары үшін ҚазҰМУ-дың тартымдылығын арттыру жөнінде бірлескен жұмыстар жүргізуге ниет білдірілді. Қатысушылар алдағы уақытта нақты іс-шаралар жоспарын әзірлеуге және ынтымақтастықты ресми құжаттар арқылы бекіту мүмкіндігін қарастыруға келісті.

Almaty Kazakhstan

Almaty Kazakhstan

Пікір қалдырыңыз.

Мәтінді енгізіп, Enter түймесін басыңыз

Қаріп өлшемін өзгерту:

Сөз аралығын өзгерту:

Жолдың биіктігін өзгерту:

Тінтуір түрін өзгерту: