• Oct 14 2025 - 17:39
  • 3
  • Оқу ұзақтығы : 1 minute(s)

Философия, саясаттану және дінтану институты мен Тегеран университеті арасында өзара түсіністік туралы меморандумға қол қойылды

2025 жылдың 14 қазан күні Философия, саясаттану және дінтану институтында маңызды кездесу өтті. Институттың Бас директоры, философия ғылымдарының докторы Сәдуақасова Айгүл Кәкімбекқызы Алматыдағы Иран Мәдени орталығының басшысы Хұсейн Ағазадемен кездесті.

2025 жылдың 14 қазан күні Философия, саясаттану және дінтану институтында маңызды кездесу өтті. Институттың Бас директоры, философия ғылымдарының докторы Сәдуақасова Айгүл Кәкімбекқызы Алматыдағы Иран Мәдени орталығының басшысы Хұсейн Ағазадемен кездесті.

Айгүл Кәкімбекқызы қонақты жылы қарсы алып, институттың тарихы мен негізгі бағыттарымен таныстырды. Сондай-ақ, институт ұжымын таныстырып, болашақта жүзеге асырылуы жоспарланған ғылыми жобалар мен ынтымақтастық бағыттары туралы айтты. Кездесу барысында ортақ ғылыми жоба жасау туралы да ұсыныс жасалды. Айгүл ханым өз сөзінде институттың Иранмен бұрыннан тығыз байланыста екенін, соның ішінде алғашқы «Әл-Фараби» журналын шығаруға Алматыдағы Иран Мәдени орталығының көмек көрсеткенін атап өтті.

Өз кезегінде Хұсейн Ағазаде мырза да екіжақты ғылыми және мәдени байланыстарды дамыту мәселесіне тоқталды. Ол тараптар арасындағы ынтымақтастықты жаңа деңгейге көтерудің маңыздылығын атап өтіп, бұған дейін Иран тарапынан институттың екі зерттеушісін Тегеранға жіберуге қолдау көрсетілгенін еске салды. Сонымен қатар, Иранда философиялық және тарихи дереккөздердің мол екенін айтып, қазақстандық ғалымдарды осы бағытта бірлесіп жұмыс істеуге шақырды. Оның айтуынша, болашақта екі ел ғалымдарының тығыз әріптестігі осы дереккөздерге қол жеткізуді жеңілдетеді және жаңа ғылыми нәтижелерге жол ашады.

Кездесу соңында Философия, саясаттану және дінтану институты мен Тегеран университеті арасында өзара түсіністік туралы меморандумға қол қойылды. Бұл құжат тараптар арасындағы ғылыми ынтымақтастықты нығайтып, ортақ зерттеулер мен жобаларды жүзеге асыруға мүмкіндік береді.

Кездесу жылы әрі іскерлік атмосферада өтті. Қатысушылар екіжақты әріптестіктің жаңа кезеңіне қадам жасалды деп атап өтті және меморандум негізінде тиімді жұмыстар атқарылады деген сенім білдірді.

Almaty Kazakhstan

Almaty Kazakhstan

Суреттер

Пікір қалдырыңыз.

Мәтінді енгізіп, Enter түймесін басыңыз

Қаріп өлшемін өзгерту:

Сөз аралығын өзгерту:

Жолдың биіктігін өзгерту:

Тінтуір түрін өзгерту: