• Nov 18 2025 - 17:28
  • 3
  • Оқу ұзақтығы : 1 minute(s)

«Ұлтқа ұлағат» кітабының ресми тұсаукесері

18 қараша 2025 жылы ҚР Ұлттық кітапханасында Абай Құнанбайұлының «Қара сөздерінің» бейімделген нұсқасы – «Ұлтқа ұлағат» кітабының ресми тұсаукесері өтті. Іс-шараға шетелдік дипломатиялық өкілдер, мәдениет ұйымдарының жетекшілері, ғалымдар, шығармашылық зиялы қауым және БАҚ өкілдері қатысты.

18 қараша 2025 жылы ҚР Ұлттық кітапханасында Абай Құнанбайұлының «Қара сөздерінің» бейімделген нұсқасы – «Ұлтқа ұлағат» кітабының ресми тұсаукесері өтті. Іс-шараға шетелдік дипломатиялық өкілдер, мәдениет ұйымдарының жетекшілері, ғалымдар, шығармашылық зиялы қауым және БАҚ өкілдері қатысты.

Кітап жеті тілге аударылып, әр тілге жеке-жеке 7 жеке кітап ретінде жарық көрді. Басылымның құрылымы ерекше форматта ұсынылған:

 • бірінші бағанада – Абайдың түпнұсқа қара сөзі қазақ тілінде, кирилл графикасымен;

 • екінші бағанада – қазіргі қазақ тіліндегі латын графикасымен берілген бейімделген нұсқа;

 • үшінші бағанада – аударылған тілдегі мәтін.

Бұл тәсіл оқырманға түпнұсқа мен заманауи нұсқаны қатар салыстырып оқуға, сондай-ақ басқа тілдегі аудармасын бір кітаптың ішінде бірге қарауға мүмкіндік береді. Шара қатысушылары бұл еңбекті оқырманға арналған үлкен мәдени көпір деп бағалап, жоғары қызығушылық танытты.

Таныстырылым барысында сөз алған мәртебелі қонақтардың ішінде Иран Ислам Республикасы тарапынан қатысқан Ағазаде мырза өз ойын жылы лебізбен жеткізді. Ол сөзін Абайдың «Ғылым таппай мақтанба» өлеңінен бастай отырып, Абай мұрасының әлемдік мәдениеттегі маңызын атап өтті. Сонымен қатар ол кітаптың парсы тіліндегі нұсқасын да басып шығаруды ұсынып, аударма мәтіні әзір екенін, тек баспа процесі ғана қалғанын айтты. Бұл бастама қатысушылар тарапынан қолдау тапты.

Шара барысында дипломатиялық корпус өкілдері, жоғары оқу орындарының профессорлары, халықаралық мәдени ұйымдардың мүшелері сөз сөйлеп, кітаптың мазмұндық және ғылыми құндылығын атап өтті. Кітап – көпшілік оқырманға арналған, әрі Абай мұрасын бүгінгі және болашақ ұрпаққа жаңа форматта жеткізуге бағытталған маңызды мәдени жоба екенін жеткізді.

Тұсаукесер жоғары деңгейде өтті, қатысушылар жобаның маңыздылығын атап, шығарма тек ұлттық игілік емес, халықаралық мәдениетті байыта түсетін еңбек екенін айтты.

Almaty Kazakhstan

Almaty Kazakhstan

Суреттер

Пікір қалдырыңыз.

Мәтінді енгізіп, Enter түймесін басыңыз

Қаріп өлшемін өзгерту:

Сөз аралығын өзгерту:

Жолдың биіктігін өзгерту:

Тінтуір түрін өзгерту: