Құран оқылуымен басталған бұл рәсімде мәдени істер жөніндегі кеңесші Талеби Матин жиналғандарды құттықтап, шақыруды қабыл алып келгендерге алғысын білдіре отырып, жаңа жылда тыныштық, күш-қуат, саулық пен сәттілік тіледі. Одан кейін Иранның Мәдениет және исламдық байланыстар ұйымы ұсынған Наурыз деректі фильмі көрсетілді.

Шара жалғасында Иранның Қазақстан Республикасындағы Елшісі Самадзаде Сабер өз сөзінде әлемде Наурыз мейрамы ресми танылып, оны әлемнің 11-ден астам елінде тойлап жатқанын айтты. Ол сөз жалғасында: «Иран – Наурыз мерекесін тойлатуды ешқашан тоқтатпаған жалғыз халық. Наурыздың шыққан жері – Иран. Бұл мейрам Ираннан мерекені Наурыз атауымен атап өтетін басқа елдерге, соның ішінде Қазақстанға да тарады. Наурыз Иран мен Қазақстанның ортақ тарихының символдарының бірі әрі екі ел бұл рәсімді кең ауқымды түрде тойлайды»- деді.

Нұр-Сұлтан филармониясының «Қорқыт» ансамблі мен әншілері парсы тілінде «Ей, Иран» және «Андак-андак» әндері мен қазақ күйлерін орындаумен келген қонақтарды тәнті етті.

Аталмыш шара қонақтардың Наурыз дастарханынан дәм татуымен аяқталды.