«Мүміндер арасында Аллаға берген уәдесіне берік болған ерлер бар: олардың кейбірі бұл жолда жанын берді, кейбірі болса (соған) күтіп жүр. Олар уәделерінен еш таймады» (Ахзаб сүресі, 23-аят).

Құрметті, өр рухты Иран халқы!

Өткен түнде Тегеран мен еліміздің өзге де қалаларына жасалған сионистік қылмыстық режимнің жойқын шабуылының куәсі болдық. Бұл варварлық шабуыл бейкүнә балалар мен әйелдердің, жазықсыз азаматтардың, әскери қолбасшылар мен ядролық ғалымдардың шәһид болуына әкелді.

Халықаралық барлық міндеттемелерді аяққа таптаған бұл жауыз әрекет – сионистік заңсыз режимнің зұлым болмысын тағы бір дәлелдеді. Өйткені бұл режим өзінің болмысын басқыншылыққа, қантөгіске және балаларды қырып-жоюға негіздеген.

Кешегі шабуыл Ислам Республикасының жылдар бойғы «сионистік режим – табиғатынан агрессор әрі қылмыскер» деген ұстанымының ақиқат екендігін күллі әлемге паш етті.

Әлбетте, Иран халқы мен билік өкілдері бұл қылмысқа үнсіз қалмайды. Ислам Республикасының заңды әрі қуатты жауабы дұшпанның бұл ақымақтық әрекетіне өкіндіретіні сөзсіз.

Ұлы Имам Хомейнидің сөзімен айтқанда: «Бір қолбасшының қолынан ту құласа, оны басқа бір сардар көтеріп, майданға шығады».