Кашан университетінің тарихы

      Кашан университетін құру туралы лицензия  Григориан күнтізбесі бойынша  1973 жылы (Хижри күнтізбесі бойынша  1352 жылы) берілген.  Ол кезде университет ашуға қолайлы жер болмағандықтан, Кашан университетінің негізін қалаушы «Махмуд Эслами» осы аймақтың бұрынғы әкімдерінің резиденциясы болған ескі үйді жалға алып, «Кашан жоғарғы ғылым мектебі»  деген атаумен оқу орталығын ашуға дайындық жұмыстарын жүргізді. Ақырында бір жылдан кейін, яғни 1974 жылдың қыркүйегінде математика мен физика салалары ашылып, 200 студент оқуға кірісті.  

     Исламдық көзқарастың өршілдігі мен кеңдігі соншалық, ол университеттің бас ғимаратын Кашанның көне және ауа райы да керемет жерлерінің бірі Фин аймағында салуды жоспарлады. Ол шетелдік университеттердің студенттері мен зерттеушілері оған оңай баруы үшін университетке арнайы әуежай керек деп есептеді. Келесі жылдарға дейін университеттің орналасқан жері бір-екі рет ауысқанымен, екі сала бойынша студенттер қабылданып, оқытылған. 1979 жылы Ислам революциясының жеңісінен кейін Исфахан университетінің қарамағында жұмыс істеген, бірақ орталық біраз уақыттан кейін мұғалімдерді даярлау университетінің (Теһран) бақылауымен өз қызметін жалғастырды және тек оқыту курстары болуы керек деп шешілді.  Бірақ сол кездегі билік бұл шешімге наразы болды және университеттің тәуелсіздігі үшін тырысты. Соныңда, бұл орталық «Кашан мұғалімдерді даярлау университеті» деген тәуелсіз атаққа ие болды. Бірте-бірте оқу орнында инженерлік және өнер факультеттері ашылып, бірнеше ғылыми-зерттеу институттары құрылып, жан-жақты университет құруға жол ашылды.

     Григориан күнтізбесі бойынша 1994 жылы (Хижри күнтізбесі бойынша 1373 жылы) бұл орталықты жалпы университетке айналдыру жоспары бекітіліп, физикалық кеңістіктерді, оқу орындарын, курстар мен студенттер санын кеңейтуде жеделдетілген үдеріс орын алды.

 

 

 

Кашан университетінің оқу және ғылыми кеңістіктері

        Қазіргі уақытта Кашан университетінің орталық кампусы 530 гектар аумақты қамтиды және Раванд қаласына жақын жерде орналасқан. Ғиясуддин Джамшид Кашани атындағы ғылыми-технологиялық парк, Эссанс ғылыми-зерттеу институты (Қумсар қаласында), обсерватория (Ниасер қаласының биігінде), өсу орталығы, Фарш зерттеу орталығы және Кашанның әртүрлі бөліктеріндегі бірнеше әкімшілік және әлеуметтік орталықтар осы университетке жатады.

 

Кашан университетінің факультеттері келесідей:

1. Гуманитарлық ғылымдар
2. Инженерлік
3. Сәулет және өнер
4. Химия
5. Электрондық оқу
6. Математика ғылымдары
7. Табиғи ресурстар және жер туралы ғылым
8. Физика
9. Әдебиет және шет тілдері
10. Машина жасау
11. Электр және компьютер

      Кашан университетінде шамамен 8500 студент және 300 оқытушы бар. Бұл университеттің салалары мен академиялық бағыттарының саны бакалавриат, магистратура және докторантураның үш деңгейінде 200-ден асады.

 

 Теһран университетінің халықаралық орны мен қызметі

      Қолайлы қондырғылар мен кеңістікке болуы, Кашан университетінің атауын Иранның ең жақсы университеттерінің қатарына енгізген, сондықтан әртүрлі өлшеу әдістерімен жасалған көптеген жылдық бағалауларда,Кашан университеті елдегі ең жақсы 10 университеттің қатарына кіреді.

     Кашан университетінің артықшылығы жаһандық рейтингтерде анық байқалады. 2023 жылы жарияланған Шанхай рейтинг жүйесінде бұл университет, машина жасау саласында 201-ден 300-ге дейін және химиялық инженерия саласында 301-ден 400-ге дейінгі рейтингпен Ирандағы үздік университеттер қатарында орын алды.

     Сондай-ақ,осылайша ұсынылған жалпы рейтингте,Кашан университеті Иран университеттері арасында 13-ші орында тұр. Бұл университеттің атын 2021 жылы инженерия және технология саласында жарияланған, ISC рейтингінде Иранның үздік университеттері арасында 301-ден 350-ге дейінгі рейтингте көруге болады.

     Кашан университеті өзінің қызмет еткен жылдарында, Италия, Чехия, Дания, Қытай сияқты елдердің беделді университеттерімен және ғылыми орталықтарымен ынтымақтастық туралы келісімдерге қол қойды. Бұл университет жыл сайын оқуға қызығушылық танытқан студенттерді тартуға шақыру жариялайды.Университет басшылығының айтуынша, мүмкіндіктердің шектеулігіне байланысты жыл сайын тек 250 шетелдік студентті қабылдай алады, сондықтан шетелдік талапкерлердің шамамен үштен екісі бұл университетке түсуге мүмкіндік таппайды, дегенмен алдағы жылдары осы нысандарды нығайта отырып, қабылданатын студенттер саны да артады.