Астанадағы Ұлттық музейде «Әлемнің діни дәстүрлерінің баға жетпес қазыналары» атты көрме салтанатты түрде ашылды. Іс-шара VIII Әлемдік және дәстүрлі дін лидерлері съезімен тұспа-тұс ұйымдастырылып, Қазақстандағы дінаралық және мәдениетаралық диалогты нығайтуға бағытталды.

Көрменің ашылуына Қазақстанның мемлекеттік органдары, халықаралық ұйым өкілдері мен дипломатиялық корпус қатысты. Қатысушылардың арасында Иранның Астанадағы мәдени өкілдігінің басшысы да болды. Оның қатысуы Иран мен Қазақстан арасындағы мәдени байланыстарды кеңейтуге және дінаралық түсіністікті нығайтуға мүмкіндік берді.

Шара барысында ҚР Мдениет және ақпарат министрлігі Дін істері комитеті төрағасының орынбасары Мақсат Раманқұлов, Ұлттық музей директорының орынбасары Ақмарал Ибраева және «Халықаралық дінаралық және конфессияаралық диалог орталығының» өкілдері сөз сөйлеп, бейбітшілік пен өзара құрметті дәріптеудің маңызын атап өтті.

Көрмеде ислам, христиандық, буддизм, иудаизм және басқа да дәстүрлі діндерге қатысты құнды жәдігерлер, көне қолжазбалар мен діни өнер туындылары қойылды. Экспозиция қазақ, орыс және ағылшын тілдерінде ұсынылып, келушілерге әлемдік рухани мұраның байлығын таныстыруды көздейді.

Ұйымдастырушылардың айтуынша, алдағы уақытта Иран мәдени орталығы мен Ұлттық музейдің бірлескен жобалары – мысалы, иран каллиграфиясы мен қолөнеріне арналған көрмелер өткізу жоспарланып отыр.

Бұл көрме Қазақстанның әлемдік дінаралық және мәдениетаралық диалог орталығы ретіндегі беделін тағы да айқындады.