ҚР-ның Ұлттық қорғаныс университеті парсы тілі мен ирантану курсын сәтті аяқтаған  қатысушыларға сертификаттар табысталды.

Парсы тілі мен ирантану курсының бірінші кезеңінің аяқталуына және оның Иранның ұлы ақыны Хәкім Әбілқасым Фердоусиді ұлықтау күнімен тұспа-тұс келуіне байланысты Иранның Қазақстандағы елшілігінің мәдени кеңесшісі әрі Саадидің қорының өкілі Әли Акбар Талеби Матин, Иран елшілігінің әскери атташесі Али Фекри және Қазақстанның Ұлттық Қорғаныс университетінің халықаралық байланыстар жөніндегі орынбасарының қатысуымен өткен жиында парсы тілі және ирантану курсын бітірушілеріне сертификаттар табыс етілді.

Талеби Матин бұл рәсімнің өткізілуіне ризашылығын білдіре отырып, бұл рәсімнің Иранның екі ұлы ақыны Хәкім Әбілқасым Фердоуси мен Хәкім Омар Хайямды ұлықтау күндерімен тұспа-тұс келуін жақсы нышан деп атап, осы университетте парсы тілі курстарын ұйымдастырушылардың еңбегін жоғары бағалап, алғыс айтты.

Иранның мәдени өкілі курсқа қатысушылардың жағдайы мен олардың ынта-ықыласы туралы есептерге сілтеме жасай отырып, курстың өту барысын қанағаттанарлық деп бағалады. Сонымен қатар, қазіргі жетісиіктермен шектеліп қалмай, жаңа мүмкіндіктерді анықтап, оларды оңтайлы пайдалану қажеттігін баса айтты.  Ол, сондай-ақ, пандемия сияқты кейбір мәселелерге байланысты парсы тілін мен ирантануды оқыту саласында орын алған олқылықтарға тоқталып, Мәдени өкілдіктің жұмыс уақытынан кейін қызығушыларға парсы тілі оқыту бойынша курстар мен  іс-шаралар өткізуге әзірлігін мәлімдеді.

Иранда қазақ тілі курстарын өткізуге бағытталған талпыныстар да Иранның Қазақстандағы мәдениет жөніндегі кеңесшісі көтерген мәселелердің қатарында болды.

ИИР-ның ҚР-дағы елшілігінің әскери атташесі Али Фекри де осы университетте парсы тілі мен ирантану курсының өтіп жатқанына ризашылығын білдіріп, Иран мен Қазақстан арасындағы жақсы қарым-қатынасқа тоқталып,  бұл курстың өткізілуін екі елдің қатынастарын нығайтып, жақындата түсетін маңызды оқиға деп атады. Сондай-ақ, осындай игі шаралардың жалғасын табатынына сенім білдірді.

Иранның ұлы ақыны Хәкім Әбілқасым Фердоуси ұлықтау күніне орай, курстың жоғары деңгейіне қатысушылары Фирдоусидің Шахнама дастанынан үзінді оқып, жиналғандарды тәнті етті.

Шара соңында курсты сәтті аяқтаған қатысушыларға сертификаттар табысталып, үздік атанған үш қатысушы арнайы сыйлықтармен марапатталды.