Ежелгі өлкедегі жоғары білім тізгінін ұстаған Забол университеті

Систан жері Иранның аты аңызға айналған батырларының мекені болды. Бұл өлке бүгінде жиі қуаңшылықтың кесірінен көп зардап шекті, бірақ ол әлі де өзінің өміршеңдігі мен тарихи шынайылығын сақтап, жарқын болашаққа бет бұруда. Бұл өлкеде қарқынды университеттердің болуы осы жарқын болашақтың кепілі. Забол университеті Систан және Белуджистан провинциясындағы ең маңызды жоғары білім беру орталықтарының бірі ретінде үлкен Забол қаласында орналасқан және 15 000-ға жуық студентті қабылдай отырып, аймақтың мамандандырылған күштерін дайындауда маңызды рөл атқарады.

Забол университетінің тарихы

1980 жылы Ауыл шаруашылығы мамандарын даярлау институтының құрылуымен Забол университетінің ірге тасы қаланды. Біртіндеп Забол университетінің кеңеюімен осы оқу бөлімінде сегіз факультет құрылды:

• Ауыл шаруашылығы: Ауылшаруашылық мектебінің қызметі кеңейгеннен кейін, бұл мектеп 1989 жылы факультетке дейін жаңартылды. «Өсімдік шаруашылығы» және «Мал шаруашылығы» екі оқу тобы факультеттің алғашқы білім беру саласы ретінде белгілі.

Қазіргі таңда аталған факультетте бакалавриат, магистратура және докторантураның үш деңгейіндегі сегіз оқу тобында 65 оқытушы жұмыс атқарады.

• Ғылымдар: 2001 жылы ғылымдар факультеті биология (жануарлар, өсімдіктер және жалпы үш мамандық) және математика салаларын біріктіру арқылы құрылды. Кейіннен бұл факультеттің салаларына таза және қолданбалы екі мамандық бойынша химия саласы қосылды. Қазіргі уақытта, ғылым факультетінде осы салалармен қатар статистика және физика пәндері де оқытылады және факультет құрамында 66 профессор бар.

• Ветеринария: Бұл факультетте «Негізгі ғылымдар», «Патобиология», «Тағам гигиенасы» және «Клиникалық ғылымдар» атты төрт топ белсенді жұмыс істейді. Сондай-ақ бұл факультетте мамандандырылған ветеринарлық емханадан басқа 10 зертхана студенттердің қарауында.

• Табиғи ресурстар: Бұл факультеттің құрылуы 2000 жылдың ақпанынан  басталады. Бұл факультетте үш оқу тобы және 23 оқытушы белсенді жұмыс істейді.

• Өнер және сәулет: Бұл факультет ғылым факультетіне жас жағынан ұқсас. «Археология және сәулет» студенттерді алғаш қабылдаған сала болды. Бастапқыда бұл факультет тек қауымдастырылған деңгейде ғана студенттерді қабылдаса, қазіргі таңда бакалавр және магистратура деңгейінде студенттерді қабылдайды.

• Инженерлік және технологиялар: 2001 жылдың қысқы семестрінен бастап, студенттерді қабылдайтын Забол университетінің көне факультеттерінің бірі - инженерлік-технологиялық факультеті болып есептеледі.  Қазіргі уақытта, бұл факультетте «Құрылыс», «Механика», «Электр энергетикасы», «Есептеу техникасы» және «Маркшейдерлік іс» бойынша бес кафедрасы белсенді жұмыс істейді және оның профессорлық-оқытушылық құрамында елуден астам профессорлар бар.

• Әдебиет және гуманитарлық ғылымдар: Араб тілі мен әдебиеті саласы Забол университетінің ең көне салаларының бірі болып табылады. Университет қызметінің алғашқы жылдарында парсы тілі мен әдебиеті саласының қосылуы, түптеп келгенде, әдебиет-гуманитарлық факультетінің құрылуына әкелді. Қазіргі уақытта, бұл факультетте кафедралар саны 9-ға дейін ұлғайып, 61 профессор-оқытушы құрамы студенттерді тәрбиелеуге атсалысуда.

• Топырақ және су: Бұл факультет өз жұмысын 2010 жылы бастады және қазіргі уақытта бакалавриат, магистратура және докторантура сияқты үш мамандық бойынша 500-ден астам студенттерді қабылдайды.

Забол университетінің ғылыми-зерттеу қызметі

Забол университетінде зерттеушілердің зерттеулерін қолдау және шығармашылық идеяларды қолдау мақсатында «Технологиялық бірліктердің өсуі» атты орталық құрылды. Бұл орталықта коммерцияландыру әлеуеті бар кәсіпкерлер мен шағын және орта бөлімшелер синергетика мен өзара өсуді құру үшін университет зерттеушілерімен байланысады.

Бұл оқу орнында, осы орталықтан басқа «Инновациялар мен технологияларды дамыту» атты тағы бір орталық құрылды. Орталықта инновациялық идеялар одан әрі өсуге ұмтылған бизнеске ұсынылады. Инновация мәдениетін ілгерілету, сарапшыларды анықтау және олардың мүмкіндіктерін кеңейту, білімге негізделген технологиялардағы идея генераторлары мен зерттеушілердің рөлін арттыру осы орталықтың мақсаттарының бірі болып табылады.

9 журнал атауын (бесеуі ағылшын тілінде) басып шығару осы университеттің басқа зерттеу жұмыстарының бірі болып табылады. Микробиология, Систан және Белуджистан зерттеулері, су инженериясы, қолданбалы ғылымдар, ауыл шаруашылығы, қоршаған орта, агрономиялық ғылымдар және қала құрылысы осы журналдардың тақырыптарының бірі болып табылады.