4 сәуір күні Фараби атындағы ҚазҰУ-де ІІІ Халықаралық Фараби форумы Әл-Фараби атындағы ҚазҰУ-дың 90 жылдығына арналған «Әл-Фараби және Қазақ халқының рухани мұрасы» атты халықаралық ғылыми-тәжірибелік конференция басталды.
Форумға университет ректоры, Сирия, Түркия, Иран және Өзбекстан консулдықтары өкілдері, шет елден келген профессорлар, ғалымдар мен оқытушылар қатысты. Конференцияны Фараби атындағы ҚазҰУ ректоры Жансейіт Қансейітұлы Түймебаев ашып берді. Сосын Иран Ислам Республикасы Мәдени өкілдігі директоры доктор Ағазаде Хоссейн ИИР Бас Консулдығының қолдауымен екі ел арасындағы серіктестікті нығайтуға және Әл-Фараби тарихи-мәдени қорын экспозициялық бөлімін кеңейту және толықтырудағы зор еңбегі үшін және Әл-Фараби атындағы ҚазҰУ-тіне сіңірген зор еңбегі үшін алтын медалімен марапатталды. Нұр Мүбәрәк Университеті Ғылым және Мәдениет департаментінің директоры Ықтияр Палтөре Молдатөреұлы Әл-Фараби атындағы ҚазҰУ-тіне сіңірген еңбегі үшін күміс медалімен марапатталды.
Кейіннен Түркия Республикасының Алматы қаласындағы бас консулы, Иран Ислам Республикасының Алматы қаласындағы бас консулы, Өзбекстан Республикасының Алматы қаласындағы бас консулы, Сирияның Қазақстандағы Құрметті консулы құттықтау сөздерін айтты.
Әл-Фараби атындағы ҚазҰУ-дың 90 жылдығына арналған Түрік халықтары философия қоғамының Қазақ комитеті дайындаған «Түрік философиясы антологиясының» 1-4 томдарының тұсаукесері болды. Кітап лентасын Фараби атындағы ҚазҰУ ректоры Жансейіт Қансейітұлы Түймебаев, Түркия Республикасының Алматы қаласындағы бас консулы Мудеррисоглу Эврен және Иран Ислам Республикасының Алматы қаласындағы бас консулы Мохсен Фағани мырза кесті.
ІІІ Халықаралық Фараби форумы Әл-Фараби атындағы ҚазҰУ-дың 90 жылдығына арналған «Әл-Фараби және Қазақ халқының рухани мұрасы» атты халықаралық ғылыми-тәжірибелік конференция Фараби кітапханасында 4-5 сәуір күндері өтеді.