«Иран жеріне бағытталған сионистік режимнің қорқақ әрі басқыншылық шабуылы нәтижесінде өз өмірін осы қасиетті елдің абыройы мен қуатын қорғауға арнаған ержүрек қолбасшылар, ядролық және қорғаныс саласының атақты ғалымдары мен бейбіт тұрғындардың шәһид болуына байланысты жүрегім қайғыға, кеудем ашу мен иманға толы күйде барша шәһидтердің құрметті отбасыларына және ұлы Иран халқына қайғыларына ортақтасып, шын жүректен көңіл айтамын.

Жау тағы да адамгершілік пен халықаралық құқық нормаларын ашық бұза отырып, өзінің арам пиғылын көрсетті. Алайда, осы елдің тарихы куә: Иран жеріне төгілген әрбір қасиетті қан тамшысы ұлттың ерік-жігері мен бірлігін бұрынғыдан да күшейтеді.

Күмәнсіз, бұл қылмыс жауапсыз қалмайды және бұл агрессияға лайықты жауап қайтарылады. Бүгінгі таңда елдің барлық мекемелері, үкімет құрылымдары мен Қарулы Күштер бір ауыздан, бір жүрекпен Жоғарғы Бас қолбасшы, аятолла Хаменеи мырзаның бұйрығын тыңдауға әзір және Иран Ислам Республикасының абыройы, қауіпсіздігі мен аумақтық тұтастығын қорғау жолында ұлттың жігері мызғымас.

Мәдениет - ұлттың тарихи жадын сақтаушы. Бұл күндер, сөзсіз, халқымыздың жүрегіне мәңгі жазылады - бұл елдің ар-намысын ешқашан аяқасты етпей, жанын қиған ерлер мен әйелдердің күндері».