Астанада 16-17 қыркүйек күндері өткен Әлемдік және дәстүрлі діндер лидерлерінің VIII съезі өз жұмысын қорытындылады. Съез «Діндер диалогы: болашаққа бірлескен қадам» ұранымен өтіп, онда әлемнің ондаған елінен дін қайраткерлері, саясаткерлер, халықаралық ұйым өкілдері мен сарапшылар бас қосты.

Съезд аясында «Астана бейбітшілік декларациясы – 2025» қабылданып, құжатта діни мұраларды қорғау, мәдени әралуандылықты сақтау және жас ұрпақтың диалогты жалғастырудағы рөлі ерекше атап өтілді.

Қазақстан Президенті Қасым-Жомарт Тоқаев қорытынды сөзінде діни дипломатияны халықаралық ынтымақтастықтың маңызды құралы ретінде атап, декларациядағы бастамаларды кеңінен ілгерілетуге шақырды.

Съезге Иран Ислам Республикасының Мәдениет және исламдық байланыстар ұйымының басшысы Мұхаммад Мәһди Иманипур бастаған жоғары деңгейлі делегация қатысты. Делегация құрамында доктор Әли Акбар Зияи, доктор Яһия Жахангири, доктор Захра Рашидбейги және Иранның Қазақстандағы елшісі доктор Әлиакбар Джоукар болды. Ирандық делегация съезд талқылауларына белсенді қатысып, дінаралық және мәдениетаралық диалогты нығайтуға қатысты ұсыныстарын ортаға салды.

Форум нәтижесінде қабылданған құжаттар БҰҰ Бас Ассамблеясының 80-сессиясында ресми түрде таратылмақ. Келесі, IX съезд 2028 жылы Астанада өтетіні белгілі болды.