Иран Ислам Республикасының Қазақстан Республикасындағы елшілігінің мәдени өкілдігі мен Л.Н.Гумилев атындағы Еуразия ұлттық университеті арасында Өзара түсіністік жөнінде меморандумға қол қойылды. Қол қою рәсімі аясында ИИР-ның ҚР-дағы Төтенше әрі өкілетті елшісі Маджид Самадзаде Сабер Еуразия ұлттық университетінің ректоры Сыдықов Ерлан Батташұлымен  кездесіп, ғылыми-академиялық және мәдени ынтымақтастықты арттыру жолдары бойынша пікір алмасты. Рәсімге, сондай-ақ, ИИР-ның ҚР-дағы елшілігінің мәдени істер жөніндегі кеңесшісі Али Акбар Талеби Матин, Еуразия ұлттық университетінің Ғылым, коммерциаландыру және интернационалдандыру жөніндегі проректоры Мерзадинова Гүлнәр Тынышбайқызы, Халықаралық қатынастар факультетінің деканы  Косыбаев Мирас Махмедунұлы және ЕНУ Халықаралық департамент басшысы Кармелюк Анастасия қатысты.