Ж. Сәндібаев мәдени кеңесшіні екі ел арасындағы мәдени, ғылыми және академиялық қарым-қатынастарды дамытудағы күш-жігерін жоғары бағалай отыра, 2024 жылдың маусым-шілде айларында Теһран қаласында өтетін «Фараби халықаралық фестиваліне» қатысатынын хабарлады.

1960-1970 жылдары бұрынғы Кеңес Одағы саясатының кесірінен әл-Фараби шығармаларының толық қазақ тіліне аударылмағанына тоқталған Астана қаласындағы М.Нәрікбаев университетінің Ислам құқығы орталығының өкілі: «Иранның ғылыми және академиялық орталықтарында сақтаулы тұрған әл-Фараби қолжазбалары қазақстандық ғалымдарға әрі қарай зерттеу үшін қажет» - деп пікірін білдірді. Сонымен қатар, Исламтану және фарабитану саласындағы еңбектеріне тоқталып, Иран Ислам Республикасына жөнелтілетін бірнеше аударма еңбектерін ұсынды.

Иранның мәдени істер жөніндегі кеңесшісі Талеби Матин өкілдіктің кез келген қарым-қатынасқа дайын екенін жариялап, оның әл-Фараби мұрасын зерттеу саласындағы ынтымақтастыққа мүдделілігін құптады. «Фараби шығармашылығын жаңғырту жолында» атты кітаптың қазақша аудармасымен жарық көріп жатқанына тоқталған ол, бұл кітаптың осынау көрнекті ғалымның еңбектері туралы қазақ зерттеушілерінің библиографиялық мәліметтерін толықтыра алатынын жеткізді.

Әли Акбар мырза Иранға білім жетілдіру және фарабитану курстарына жіберу мүмкіндігі туралы хабардар етіп, осы университетті мәдени және ғылыми-академиялық ынтымақтастыққа шақырды.