17 қыркүйек күні Астанада өткен Әлемдік және дәстүрлі діндер лидерлерінің VIII съезі аясында Қазақстан Президенті Қасым-Жомарт Тоқаев бірқатар қатысушыларға мемлекеттік наградалар табыстады.

Мәдениет және  исламдық  байланыс ұйымының басшысы, Иран Ислам Республикасының өкілі Мұхаммад Мәһди Иманипур «Шапағат» медалімен марапатталды.

«Шапағат» — Қазақстанның жоғары мемлекеттік наградаларының бірі. Ол қайырымдылық, гуманизм және қоғамға сіңірген еңбегі үшін табысталады.

Бұл марапат - Иманипур мырзаның мәдениет пен дінаралық диалог саласындағы еңбектерінің халықаралық деңгейде мойындалғанының айғағы. Сонымен қатар, Қазақстан мен Иран арасындағы мәдени-рухани ынтымақтастықтың жоғары деңгейін көрсетті.