Бушер Парсы шығанағы университеті, ірі мұнай және газ салаларындағы сарапшыларды дайындау орталығы

Бушер провинциясы Иранның оңтүстігінде, Парсы шығанағына іргелес орналасқан. Бұл провинцияның географиялық орналасуы және мол газ және мұнай ресурстарының болуы оны Иранның маңызды провинцияларының біріне айналдырды. Осы сипаттамаларға байланысты бұл провинцияда оның ірі өндірістеріне қажет мамандандырылған кадрларды дайындау үшін университеттер құрылды, олардың арасында Бушердегі Парсы шығанағы университеті көшбасшы болып табылады.

Бушер Парсы шығанағы университетінің тарихы мен құрылымы

Парсы шығанағы университеті Ирандағы көптеген жан-жақты университеттерден жас және оның негізі 1992 жылдан басталады. Сол жылы бұл университет өз жұмысын құрылыс және машина жасау мамандықтары бойынша студенттерді қабылдаудан бастады.

Бүгінгі таңда Парсы шығанағы университеті кеңейді және 8500-ге жуық студенті және 260 күндізгі оқытушысы және 9 факультеті бар:

• Инженерлік

• Нано және биологиялық ғылым мен технология

• Әдебиет және гуманитарлық ғылымдар

• Мұнай, газ және химия инженериясы

• Ауыл шаруашылығы және табиғи ресурстар

• Өнер және сәулет

• Бизнес және экономика

• Интеллектуалды жүйелер инженериясы және деректер туралы ғылым

• Джам инженериясы

Сонымен қатар, инженерлік факультет орталық кампустан бөлек және Джам қаласында орналасқан. Бұл факультет 2010 жылы бағдарламалық қамтамасыз ету және өнеркәсіптік инженерия деген екі сала бойынша жұмыс істей бастады. Бірте-бірте бұл факультетке басқа да салалар қосылып, қазір 400-ге жуық студент білім алуда.

1993 жылы жұмысын бастаған бұл оқу орнының қарамағында орта мектеп бөлімшесі де жұмыс істейді. Бұл орта мектептің негізгі мақсаты, Бушердің ауылдық жерлеріндегі жоғары таланттарды тарту және қолдау болды.

 Бушер Парсы шығанағы университетінің ғылыми орталықтары

Бушер Парсы шығанағы университетінде бірнеше зерттеу институттары жұмыс атқарады:

• Парсы шығанағы ғылыми-зерттеу институты: Бұл орталық 1995 жылы «Парсы шығанағы зерттеулері және зерттеу орталығы» деген атаумен жұмыс істей бастады, бірақ 2013 жылы теңіз ғылымдары саласындағы зерттеу орталықтарының бірі ретінде жұмыс істеу үшін ғылыми-зерттеу институтына дейін жетілдірілді. Орталық теңіз экологиясы, биотехнология және теңіз биологиясы мәселелері бойынша зерттеулер жүргізеді.
• Ақпараттық-коммуникациялық технологияларды ғылыми-зерттеу институты: Бұл орталық интернет технологиясы мен жасанды интеллекттің екі негізгі бағыты бойынша жұмыс атқарады және салауатты денсаулық жүйелерін дамыту оның мақсаттарының бірі болып табылады. «Интернет технологиясы және сигналдарды өңдеу», «Жасанды интеллект және деректерді өндіру», «Деректерді қорғау және криптография», «Электр желілерін және смарттандыруды электрлік қорғаудың зерттеулері мен технологиясы» осы ғылыми-зерттеу институтында белсенді топтар болып табылады.
• Мұнай және газды зерттеу орталығы: Бушер провинциясының орналасқан жері мен оның мұнай мен газ ресурстарын ескере отырып, мұндай орталықтың болуы барлау және өндіру жобаларының ғылыми және зерттеу аспектілерін нығайту үшін маңызды болып көрінді. Сондықтан 2016 жылдың қараша айында Мұнай және газ ғылыми-зерттеу орталығы өз жұмысын бастады. Қазіргі уақытта,орталықта 40-тан астам магистранттар білім алуда.

Осы орталықтардан басқа, Бушер Парсы шығанағы университетінде бірнеше ғылыми орталықтар да зерттеу жұмыстарын жүргізеді:

• Қолданбалы нанобиотехнология

• Есептеу интеллектісі және интеллектуалды оңтайландыру

• Тұрақты мембраналық технология

• Наноплазмоника

Бушер Парсы шығанағы университетіндегі кәсіпкерлік және инновация орталығы – зерттеулер мен идеяларды қолдау үшін құрылған орталықтардың қатарына жатады. Орталық үздік идеяларды коммерцияландыру цикліне бағыттауға әрекет жасайды. Кәсіпкерлік және инновациялар орталығы 2017 жылы 500 шаршы метр аумақта өз жұмысын бастады және университет студенттерінен бөлек, басқа да зерттеушілердің шығармашылық идеяларын қолдайды. Бұл ғимаратта 20 технологиялық бөлімше құруға болады.

Бұл орталықта «Аграрлық технология инновациялары және дамуы», «Креативті индустрия инновациялары және дамуы», «Биотехнологиялық инновациялар және даму», «Өндіріс және озық материалдардың инновациялары және дамуы», «Интеллект және заттардың интернеті» кафедралары белсенді жұмыс істейді. «Мобильді бағдарламалық қамтамасыз етуді әзірлеудің халықаралық орталығы» да осы орталықтың бөлімдерінің бірі болып саналады.

Бушер Парсы шығанағы университетінің халықаралық қызметі

Университет осы уақытқа дейін 12 елдің университеттерімен және ғылыми-зерттеу орталықтарымен өзара түсіністік туралы меморандумдарға қол қойды. Сондай-ақ ирандық емес студенттерді тарту үшін жыл сайын хабарландырулар жарияланады. Университеттің «Халықаралық істер және ирандық емес студенттер кеңсесі» көрсететін қызметтерінің арқасында шетелдік студенттердің оған қатысуға деген қызығушылығы артып келеді. Әртүрлі ғылыми бағыттағы шетелдік университеттердің профессорларының қатысуымен бірлескен кездесулер мен семинарлар өткізу осы университеттің халықаралық саладағы қызметінің қатарына жатады.