ҚР қолжазбалар мен сирек кітаптар ұлттық орталығының басшысы Болдықов Жандос еліміздің мәдени кеңесшісі Әли Акбар Талеби Матинмен кездесіп, сұхбаттасты. Кездесуге ирантанушы, осы орталықтың бас сарапшысы Әбсалықов Алмат та қатысты.

Талеби Матин өз сөзінде Иран мен Қазақстан арасындағы мәдени ынтымақтастықтың әртүрлі салаларына тоқталып: «Қазақстанның Ұлттық қолжазбалар мен сирек кітаптар ұлттық орталығы Иранның мәдени кеңес беру мекемесімен жақсы қарым-қатынаста болған Қазақстанның Мәдениет және ақпарат министрлігіне қарасты ұйымдардың бірі» - деді.

Келесі сөзінде еліміздің мәдениет жөніндегі кеңесшісі былай деп қосты: «Өзара жоспарлап, үйлестіргеннен кейін Ұлттық қолжазба орталығында ғылыми және академиялық ынтымақтастық бас басқармасы және Иранның Халықаралық микрофильмдер орталығымен бірлесіп каллиграфия және қолжазбаны қалпына келтіру бойынша көрме мен семинар өтеді».

Ол былай деді: «Біз Мәдениет және ақпарат министрлігінің түрлі бөлімшелерінің, соның ішінде қолжазбалар және сирек кітаптар ұлттық орталығының басшыларынан тұратын делегацияны Ирандағы ұлттық кітапхана мен Құдс-е Разави облысындағы қолжазба орталығына жіберуге дайынбыз».

Иранның мәдени өкілдігі сыйға тартқан қолжазбаларды қазақ тіліне аудару

Қолжазбалар мен сирек кітаптар ұлттық орталығының басшысы Болдықов Жандос: «Иран Ислам Республикасы шектеулер мен санкцияларға қарамастан әртүрлі салаларда ішкі күштері мен мүмкіндіктеріне сүйену арқылы үлкен жетістіктерге қол жеткізе алған аймақтағы қуатты мемлекет және біздің орталығымыздың 5 жылдық қызметінде Иранның мәдени өкілдігі осы орталық қызметінің табысы мен ілгерілеуіне зор үлес қосты. Біздің мамандар 2017 және 2019 жылдары Иранның Мәдени өкілдігінің ынтымақтастығымен Теһран және Мешхед қалаларында білім жетілдіру және қолжазбаларды қалпына келтіру курстарына қатысып, алған білімдерін Қазақстанда қолдану арқылы осы ұйымның қызметін ілгерілетуде» - деп атап өтті.

Қазақстанда каллиграфия және қолжазбаларды қалпына келтіру көрмесін өткізу

Орталық басшысы қолжазба орталығының ұйымдастыруымен және Астана қаласындағы Иранның Мәдени өкілдігінімен бірлесе отырып, Иран суретшілерінің каллиграфия және қолжазбаларды қалпына келтіру көрмесін өткізуге тоқталды.

Қазақстанның қолжазбалар және сирек кітаптар ұлттық орталығының басшысы Құдс-е Разави облысының кітапханалар, мұражайлар және құжаттар орталығындағы еңбектер мен қолжазбалар қазынасымен танысу үшін қазақстандық зерттеушілердің Мешхед қаласына аттануға дайын екенін мәлімдеді.

Кездесу соңында қолжазбалар орталығында каллиграфия және қолжазбаларды қалпына келтіру көрмесі жақын арада өтетіні жөнінде келісілді.