Кездесуге Иран елшілігінің мәдени істер жөніндегі кеңесшісі Әли Акбар Талеби Матин, Хорезми университетінің ректоры Али Хасан Бейги, Халықаралық байланыстар орталығының директоры Али Азими Вакар, шетелдік студенттерді қабылдау бөлімінің басшысы Рагад Мемар, Халықаралық зерттеулер орталығының директоры Сейед Хасан Мохаджери, Хоразми университетінің ынтымақтастық және халықаралық серіктестік департаментінің директоры Муслим Ғасеми және Астана Халықаралық университетінің президенті Ирсалиев Серік, стратегиялық даму жөніндегі вице-президенті Әбдірахманов Қайрат және де әлеуметтік ғылымдар факультетінің меңгерушісі Ибраева Әйгерім қатысты.

Бағдарламаның ашылуында Талеби Матин мырза осындай маңызды кездесудің өткізілгеніне риза екенін білдіре отыра, екі тараптың екі ел арасындағы ғылыми және академиялық ынтымақтастықты дамытуға мүдделі екеніне тоқталып, былай деп мәлімдеді: «Қазақстан Президенті Қасым-Жомарт Тоқаев мырзаның Иранға сапары кезінде білім беру және мәдениет саласындағы ынтымақтастық туралы 7-ден астам өзара түсіністік құжаты жасалғаннан кейін, екі ел арасындағы қарым-қатынастар жаңа кезеңге аяқ басты».

Кездесудің жалғасында Хорезми университетінің президенті доктор Хасан Бейги Ирандағы ең үлкен және ең көне оқу орындарының бірінің мүмкіндіктерімен таныстырып, оның 2019 жылы Тарбиат Модарес институты ретінде құрылғанына тоқталды: «Хорезми университеті құрылғалы бірнеше кампустар да ашылған еді. Қазіргі уақытта  Тегеран және Карадж қалаларында осы университеттің екі кампусы орналасқан. Ол сондай-ақ университет факультеттерінің, ғылыми-зерттеу институттарының, оқытушылар құрамы мен пәндердің санын талқылап, бұл университет ірі ұлттық жобаларды жүзеге асыру, ғылыми зерттеулер және жаңа инновациялар мен технологияларды қолдану арқылы Иран қоғамының мәселелерін шешу жолында әрекет ететін Иранның технология саласындағы ең беделді университеттерінің бірі деп атады.

Хорезми университетінің ректоры сөзін жалғастырып, былай деді: «Халықаралық ынтымақтастық саласында Хорезми университеті Астана Халықаралық университетімен ғылыми жобаларды жүзеге асыру, студенттерді қабылдау және алмасу, жоғары технологиялы зертханалар құру, оқытушыларды даярлау, біліктілікті арттыру курстарын өткізу, докторанттарға бағыт-бағдар беру және ислам экономикасы бойынша ынтымақтастық орнатуға дайын».

Астана Халықаралық университетінің президенті Ирсалиев Серік те былай деді: «Университет 1928 жылы мұғалімдерді даярлауға арналған көркемсурет мектебі ретінде құрылып, 2000 жылдардың басында педагогикалық колледжге айналды, ал 2018 жылы 14 ғылыми-зерттеу институтын біріктіру арқылы Астана Халықаралық университетіне айналды».

Алдымен, бұл университетті құрудағы басты мақсат экономика, көлік және инвестиция саласы бойынша талдаушыларды дайындау екенін, одан кейін қызмет ауқымы мен шетелдік әріптестердің кеңеюімен бұл университетке түрлі міндеттер жүктелгенін жеткізді. Университет президенті бұл оқу орнының маңызды міндеттерінің бірі – Астана қаласындағы бастауыш және орта білім беру ұйымдары үшін оқытушылар даярлайтын Астанадағы жалғыз университет екенін атап өтті. Ол сондай-ақ Қытай, Ресей, Түркия және кейбір Еуропа елдерінен осы университеттің негізгі серіктестерін атап өтіп, қазір Иранның ең ірі университеттерінің бірімен қарым-қатынасты бастап жатқанына риза екенін білдірді.

Вебинар соңында Хасан Бейги мырза өз тарапынан екі университеттің ортақ тұстарын, соның ішінде олардың оқытушыларды даярлау саласындағы көпжылдық тарихын, мамандандырылған салаларын және ұлттық тізімдегі жоғары рейтингтерін атап өтіп, келесі кездесуде екі университет арасындағы өзара түсіністік туралы Меморандумға қол қойылады деп үміт білдірді.